ОЛОН УЛСЫН ХУДАЛДАН АВАГЧИД БА НООС НООЛУУРЫН ҮЙЛДВЭРҮҮДИЙН ХООРОНД ОНЛАЙН УУЛЗАЛТ БОЛЛОО
Монголын Ноос Ноолуурын Холбоо болон НҮБХХ-ийн Тогтвортой Ноолуурын Платформын зүгээс үйлдвэрлэгчид олон улсын худалдан авагчдыг холбох зорилгоор уулзалт зохион байгууллаа.
Гадаад зах зээлд тавигдаж буй тогтвортой байдал, чанарын шаардлагын талаар болон үндэсний үйлдвэрлэгчдийн хүрээнд чанартай, тогтвортой ноолуур болон ноолууран бүтээгдэхүүн нийлүүлэх чиглэлээр хийгдэж буй ажлуудын талаар хэлэлцлээ.
Тус уулзалтаар “Өндөр чанартай, тогтвортой ноолуурыг гадны брэндүүд худалдан авахад тавигддаг шаардлагууд”, “Чанартай, тогтвортой ноолуурыг зах зээлд нийлүүлэх боломж” зэрэг асуудлаар үйлдвэрлэгчид болон худалдан авагчдын төлөөлөл санал солилцлоо.
