“АРИГ ГАЛ” ХК ХӨДӨЛМӨРИЙН ГАВЪЯАНЫ УЛААН ТУГИЙН ОДОНГООР ШАГНАГДЛАА.
Монгол улсын ерөнхийлөгчийн зарлигаар Ариг Гал ХК төрийн дээд шагнал “ХӨДӨЛМӨРИЙН ГАВЪЯАНЫ УЛААН ТУГ”-ийн одонгоор шагнагдлаа.
Монголын ноолуурын салбарын ууган үйлдвэрийн нэг “Ариг Гал” ХК нь мал аж ахуйн гаралтай түүхий эдэд нэмүү өртөг шингэсэн эцсийн боловсруулалт хийж, ажлын байрыг тогтвортой хадгалан, олон улсын стандарт шаардлагыг хангасан өндөр чанар, загвар бүхий бүтээгдэхүүн үйлдвэрлэж, ноолуурын салбарыг шинэ түвшинд гаргах их үйлсэд үнэтэй хувь нэмэр оруулсан юм.
Төрийн өндөр дээд шагнал хүртсэн ноолуурын салбарын манлай компани “Ариг Гал” ХК-ийн хамт олонд баяр хүргэж цаашдын ажилд нь улам их амжилтыг хүсэн ерөөж байна.
