УГААХ ҮЙЛДВЭРҮҮДИЙН ҮЙЛ АЖИЛЛАГААНД ХЯНАЛТ ТАВЬЖ АЖЛЫН ХЭСЭГ АЖИЛЛАЛАА.
2021 оны 10 сарын 26-27-ны өдрүүдэд Ус сувгийн удирдах газар, Монголын ноос ноолуурын холбооны ажлын хэсэг Улаанбаатар хотод үйл ажиллагаа явуулдаг ноос ноолуурын боловсруулах үйлдвэрүүдийн ус хангамжийн үйл ажиллагаанд хяналт тавьж ажиллалаа.
Ажлын хэсэг Засгийн газрын 73 дугаар тогтоолын хэрэгжилт, үйлдвэрүүдэд төвийн бохир усны шугамд нийлүүлэх хаягдал усны MNS 6561:2015 стандартыг хангуулах, ноос ноолуур угаах, боловсруулах үйлдвэрүүдийн бохир усны бохирдлын хэмжээг бууруулах ажлын хүрээнд үйлдвэрүүдийн хаягдал уснаас дээж авч, шаардлага хангаагүй тохиолдолд үйлдвэрүүдийн ус хангамжийг зогсоох хүртэл арга хэмжээ авахаар боллоо.
