ШИНЖЭЭЧИД АУДИТЫН СУРГАЛТАД ХАМРАГДЛАА
Монголын Ноос Ноолуурын Холбооны дэргэдэх Баталгаажуулалтын албаны мэргэшсэн 23 шинжээч аудитын сургалтад хамрагдлаа. Сургалтыг Стандарт хэмжилзүйн газрын сургагч багш, Монголын ноос ноолуурын холбооны баталгаажуулалтын албаны зөвлөх М.Мөнгөнбаяр удирдан явууллаа.
Аудитын сургалтад хамрагдсанаар бүтээгдэхүүн, үйл явц болон үйлчилгээний баталгаажуулалтын байгууллагад тавих ерөнхий шаардлага, бүтээгдэхүүний баталгаажуулалтын үндсэн асуудал ба бүтээгдэхүүний баталгаажуулалтын схемийн заавар, ёс зүйн дүрэм, шударга байдлын мэдэгдэл, нууц хадгалах мэдэгдэл, аудитын тайлан бичих зэрэг шинжээчид ур чадвараа нэмэгдүүлж, чадавхижиж байгаа юм.
Дашрамд дурдахад Монголын Ноос Ноолуурын Холбооны дэргэдэх Баталгаажуулалтын алба 2020 онд MNS ISO/IEC 17065:2013 стандартын дагуу итгэмжлэгдэж ноос ноолуурын салбарын тохирлын үнэлгээний ажлыг хариуцан гүйцэтгэж буй бөгөөд Тохирлын гэрчилгээ, Монголын Хаан Ширхэгт тэмдэг, Тогтвортой үйлдвэрлэл гэсэн гурван чиглэлээр баталгаажуулалт хийх юм.
