ХАНБОГД КАШМИР ХХК-ИЙНХАН УР ЧАДВАРЫН СУРГАЛТАД ХАМРАГДАВ.
Монголын ноос ноолуурын холбооноос Ханбогд Кашмир ХХК-ийн сүлжмэлийн үйлдвэрийн технологич инженер, мастер, чанар шалгагч, мэргэшсэн ажилчдад ур чадвар сайжруулах онол практикийн сургалтыг 2024 оны 9-р сарын 27-ны өдөр зохион байгуулав.
Сургалтад оролцогчдод ХАБЭА, ур чадварыг нэмэгдүүлэх, эрүүл аюулгүй орчин нөхцөлийг бүрдүүлэх, техник технологид үүсэх эрсдэлээс хамгаалах, сүлжих технологи, үйлдвэрлэлийн төрөл, технологи дээр үүсэх асуудлыг шийдвэрлэх боломж зэрэг агуулгын хүрээнд хөнгөн үйлдвэрийн салбарын технологич инженер, мэргэжлийн багш нар хичээл заалаа.
Энэхүү сургалтаар сүлжмэлийн үйлдвэрлэлийн технологийн ажилчид тогтвортой үйлдвэрлэлийг явуулахад хурд хүчээ зөв хуваарилах, бүтээмжээ нэмэгдүүлэх, хөдөлмөрийн үнэ цэнийг өсгөх, ажлын байрны осол эрсдэлээс сэргийлэх, хөдөлмөрийн аюулгүй байдлыг хангах, технологийн зааврын дагуу чанар, стандартыг баримтлан ажиллах зэрэг цогц мэдлэг мэдээллийг өгснөөрөө чухал ач холбогдолтой болов.
