БНСУ-ЫН ЗАСГИЙН ГАЗРЫН ДЭМЖЛЭГТЭЙГЭЭР МОНГОЛ УЛСЫН НООЛУУРЫН САЛБАРТ “YOUTH EMPLOYMENT PROMOTION PROJECT (YEPP)” ТӨСӨЛ ХЭРЭГЖИНЭ.
Монголын ноос ноолуурын холбоо, Монголын хөнгөн үйлдвэрийн ажилтны ҮЭ-ийн холбоо, Олон Улсын хөдөлмөрийн байгууллагууд хамтран ОУХБ-ын Score аргачлал болон БНСУ-ын Хөдөлмөрийн сургалт, судалгааны академийн “Workplace Innovation Promotion Programs” хөтөлбөрүүдийг ноолуурын салбарт нэвтрүүлэх 2,5 жилийн хугацаатай төслийг хэрэгжүүлэх гэж байна.
Энэхүү төслийн хүрээнд сонгогдсон аж ахуйн нэгж байгууллагуудад ажлын байран дахь хамтын ажиллагааг сайжруулж, нийгмийн түншлэлийг хөгжүүлэх, чанарын удирдлагын тогтолцоог сайжруулах, бүтээмжийн удирдлагын тогтолцоог шинэчлэх, хүний нөөцийн удирдлагын тогтолцоог сайжруулах түүнчлэн зөвлөх үйлчилгээ үзүүлэх ажлуудыг хийх юм.
